Kapphlaup, tafir - 30 tíma ferðalag til Hainan Island

Jæja jæja þá erum við komin til Hainan Island eftir tæplega 30 tíma ferðalag.  

Ferðin byrjaði nú ekki allt of vel því þegar við komum á flugvöllinn í Frankfurt svona frekar sein ;) þá var allt stopp í terminalinu okkar vegna öryggisráðstafana.

Það var pakki á gólfinu við hliðina á ruslafötu sem var verið að athuga með og eftir fullt af aðgerðum á pakkanum var opnað aftur og þá tók við kapphlaup hjá öllum að komast að innritunarborðinu sem allra fyrst til að tékka inn.

Þetta gekk allt saman upp og við upp í vél og áður en við vissum að vorum við komin til Hong Kong, við náðum að dotta í fluginu þannig 11 tímarnir voru alls ekki svo lengi að líða.  

Við vorum í Hong Kong í 6 tíma og tókum svo flug til Hakuau og loks til Hainan Island :).  Hótelið og umhverfið er rosalega flott og hlakkar okkur til að vakna á morgun og kíkja á aðstæður á vellinum.

Þegar við komum út úr vélinni tók á móti okkur mikill raki og hiti en hitastigið hér er ca 30 gráður og er spáð upp í 33 stiga hita á vikunni plús miklum raka :)..  

Við ætlum svo að fara í bæinn á morgun að kaupa myndavél því okkar datt í gólfið á Tene og er ónothæf ;) við setjum svo inn myndir af herlegheitunum :)

Kveðja Biggi

Ferðalagið til Kína

Hæ, hæ

Í dag byrjar ferðalagið til Kína.  Ég var rétt í þessu að klára að pakka niður og er ég bara að bíða eftir að konan sé búin að pakka. 

Jú hún ætlar að koma með og vera mér til halds og trausts, það verður frábært að fá hana með. 

Mamma mín kom í gær og ætlar að passa börnin á meðan og erum við mjög þakklát fyrir það.  Það er ekki á hverjum degi sem við getum farið til Kína saman.  

Við munum keyra til Frankfurt á eftir og þaðan eigum við flug klukkann 17.35 til Hong Kong.  Þegar þar er komið þá þurfum við að ná í farangurinn og ná í flugmiðana sem mun bera okkur til Hainan Island, þar sem mótið fer fram. 

Ferðalagið mun taka allt að 24 klst. og munum við lenda 20.05 annað kvöld., gaman, gaman.   

Það eina sem ég veit um völlinn er það að hann er hannaður af Robert Trent Jones og lofar það mjög góðu því hann hannar einungis glæsilega velli.  

Æfingar hafa gengið vel fyrir utan smá meiðsli síðustu daga, tak undir vinstra herðablaði eftir lyftingar og æfingar. 

Það verður vonandi orðið gott fyrir mót. 

Jæja ég verð að rjúka, ég læt heyra í mér þegar við erum búin að koma okkur fyrir í Kína og skoða völlinn.

Bless, bless..

Biggi

Flyt mig um set á Moggabloggið

Eins og sjá má hef ég flutt mig um set í bloggheimum.
Nýja bloggið mitt er hér á Moggablogginu og slóðin er einföld,  birgirleifur.blog.is.

Á þessu nýja stað mun ég láta vita af mér af og til. Hérna verða ferðasögur, fréttir af mótum og annað sem til fellur á ferðum mínum á Evrópumótaröðinni.

Ég vona að þessi flutningur valdi ekki neinum óþægindum fyrir þá sem fylgdust með mér á gamla staðnum og þeir sem heimsækja gamla bloggið mitt verða fluttir yfir á það nýja.

Endilega haldið áfram að senda inn athugasemdir.

Kveðja: Birgir Leifur

Kína hér kem ég

Jæja þá er komið að því að ég held af stað til Kína :).

 

Eftir mikla vinnu er mér að takast að redda mér vegabréfsáritun inn í landið og fæ hana vonandi hjá ambassadornum í Lúx á föstudaginn :)..

 

Ég er ekki búinn að fá flugið hjá gaurnum sem sér um mín mál í gegnum túrinn en bíð rólegur eftir því.

 

Ég á von á að ég fari á sunnudaginn frá Frankfurt sem eru rétt rúmum tveim tímum frá Lúxembourg.

 

Í vikunni er ég búinn að vera að æfa og klára mál sem átti eftir að klára og er það allt að verða klappað og klárt. Veðrið er búið að vera alveg ágætt, tók 9 holur í gær í mjög góðu veðri, æfði en svo þegar ég var að klára þá kom þessi líka ausandi rigning.

 

Æfingarnar hafa gengið mjög vel, ég er að hitta boltann mjög vel og má segja að hvert högg hjá mér í gær hafi verið alveg eins og ég vildi hafa það og var mjög sáttur með gang mála.

 

Ég væri nú alveg til í að vera að spila í Singapore núna en komst því miður ekki inn í mótið en svona getur þetta nú verið.

Hef það ekki lengra að sinni... en læt heyra í mér áður en ég fer út..

Bestu kveðjur Biggi

Uppgjör Indónesíu

jæja þá er ég loksins kominn í tölvu samband og fyrsta mót ársins búið ég bara sáttur við þróun mála. Þó svo að ég hefði viljað endað betur um helgina. Þriðji dagurinn var ekkert sérstakur, ég var í miklu vandræðum með teighöggin og átti erfitt að setja mig í góð færi á grínunum. Fjórði dagurinn var mjög góður og ég kominn í smá stuð á miðjum hring, leikskipulagið var alveg að ganga upp en svo kom frestun á leik og ég sá stöðu mála og ætlaði mér of mikla hluti. Þegar ég kom á völlinn aftur ætlaði mér bara helst í topp 15 en það var mér að falli þar sem ég tók of miklar áhættur á pinna eitthvað sem maður bara reynir alls ekki við í þessari aðstæðu og þá erum við að tala um eins metra spursmál fyrir dúndrandi fugli eða léttum skramba. "Svona getur nú græðgin farið með mann" En aftur á móti er ég mjög sáttur við stöðugleikann hjá mér í mótinu fyrir utan tvær ákvarðanir, margt mjöf jákvætt og mun ég vinna á því og laga það sem miður fór hjá mér. En það var Finninn Miko Ilonen sem vann mótið er ég mjóg ánæður með það því þar er góður strákur á ferð. Miko er fyrsti Finninn sem vinnur á mótaröðinni. Ég er núna kominn í faðm fjölskyldunnar til Tenerife eftir 32 klst ferðalag, hér mun ég nota tímann til að æfa mig og slaka vel á með fjölskuldunni. Ég reikna með því að komast inn í Singapore og Kína og koma svo strax tvö mót í Portúga eftir Asíu Þannig að ég að það eru fjögur mót í röð sem verður frábært fyrir leikformið. Bið að heilsa í bili. Biggi

Netsamband á hótelinu liggur niðri

Ég hef verið beðin um að koma því til skila frá Birgi Leifi að netsamband á hótelinu sem hann dvelur á liggur niðri. Hann mun því að öllum líkindum ekki blogga fyrr en eftir hringinn á morgun.
Biggi biður fyrir bestu kveðjur til allra sem hafa verið að heimsækja síðuna og þakkar góðar kveðjur.
ISM

I logreglufylgd

jaeja eg er kominn i gegnum cutid.  Tha er bara ad rokka a morgun og hinn. 
Annars var dagurinn bara finn, svakalega heitt og rakt ad vana.  Eg var heitur til ad byrja med og hafdi viljad vera 2-3 undir eftir 4 holur en i stadinn var eg a pari eftir 5 holur, svona getur thetta nu verid skritiinn leikur.
Eftir thad for eg ad missa svolitid af brautum og var ad gera thetta svolitid erfitt en eg var mjog anaegdur med hvad eg bjargadi mer vel thegar eg thurfti. Madur tharf vist ad kunna thad lika.  Thannig ad thetta var frekar stodugt golf i heildina sed 1 fugl og 2 skollar og rest par.   Og er eg bara sattur vid thessa tvo daga og gott ad byrja arid a thvi ad na cuttinu , gefur manni sma sjalftraust.  Eg hitti 7 brautir, 13 flatir og var med 32 putt i dag. 
En annars thad sem var hvad eftirminnilegast i dag var ad sjalfsogdu logreglufylgdin i morgun og svo aftur seinnipartinn.  Thetta er nu meira dekrid her a turnum,  sma umferdatempa tha er logreglan kollud til.  En i alvoru er verid ad djoka med umferdina her i Jakarta, alveg otruleg.  Ef vid hefdum ekki fengid logreglufylgd seinnipartinn tha hefdi eg orugglega sofid i rutunni og thetta er ekkert grin!!!!!   Aldrei a aevinni sed annad eins.  Tok okkur 2 klst upp a hotel med 30 minutna leid i logreglufylgd.  Ny reynsla i bankann herna, thad er alveg ljost.
Jaeja nu aetla eg ad fara fa meira meira sushi og fara svo ad lulla mer. 
Bid ad heilsa i bili ble, ble!

Biggi

Næturgolf í Indonesiu

Jæja þá er fyrsti hringurinn búinn og ég hálfpartinn líka ;) 

Dagurinn byrjaði snemma í dag og hef ég ekki vaknað  svona snemma fyrir golfhring síðan á landsmótinu a Hellu í denn, þegar um 300 keppendur voru og maður gisti í bænum og brunaði um morguninn.  Þegar klukkan hringdi kl 03:45 fannst mér ég vera nýsofnaður og stalst á snúsi og fékk auka 15 mínótur sem gerðu gæfumuninn.  Rútuferðin sem yfirleitt tekur klukkutíma tók ekki nema tæpan hálftíma því það var nú ekki mikil traffík klukkan 04:45 þegar rútan fór að stað.  Ég byrjaði að slá í myrkrinu því það byrjaði ekki að birta fyrir en 30 mínótum fyrir teigtíma.  Eftir upphitunina byrjaði ballið,  Fyrsta höggið smurt á braut og ég endaði holuna á solid pari og þannig gekk það fyrstu 7 holurnar.  Karlinn var glaður þangað til á 9 holu en þá kom smá babb í bátinn, á  þeirri holu  átti ég frábært drive inn á miðja braut en misreiknaði mig aðiens og því ég hélt að ég væri svo högglangur og tók kylfu of lítið og boltinn fór beinustu leið í vatnið :(,það var það versta sem ég gat gert á þeirri holu því þegar ég tók fjórða höggið sem var líka yfir vatn fór ég yfir vatnið og endaði of langur og eftir sat mjög erfitt vipp, en vippið gekk ágætlega en ég missti púttið.  Endaði á 7 höggum sem var frekar súr biti að kyngja því ég sem var að spila svo vel.
En ég var nú ekki að velta mér of mikið upp úr því því ég átti 9 holur eftir og betra var að einbeita sér að næsta höggi sem var smá bið í vegna þess að við náðum síðasta holinu sem var ræst út á 10.teig í morgun.  Reiðin rann fljótt af mér og uppskar ég 3 fugla og einn skolla og endaði á 71. höggi. Ég hitti 10 brautir af 15 á hinum var ég
bara i kantinum, 13 grín og átti 30 putt.
Ég er bara nokkuð sáttur við fyrsta hringinn árinu, þetta er eitthvað til
ad byggja a.
Ég fór svo beint upp á hótel að leggja mig því það var gróðalegur hiti og
raki og átti ég lítið sem ekkert eftir.
Núna er svo bara að safna kröftum og ætla að gera betur a morgun.
bið að heilsa i bili........

Kveðja frá Indonesiu

Dekur og æfing

Dagurinn byrjaði á því að ég var svo sendur í dekur á boði Eurpeantour weekly þar sem þeir eru að gera þátt um kappann.  Það var verið að taka upp viðbót við það sem var tekið upp í gær og í dag var ég sendur í asískt nudd, heita bakstra og fékk rosalegasta höfuðnudd ever:), var látinn í slopp, látinn bera á mig sólarvörn og meira sprell(ég vona nú samt að þeir klippi það út).  Það var rosalega gaman að fá að taka þátt í þessu og verður þátturinn European weekly sýndur næsta miðvikudag.   Eftir dekrið og hádegismat var haldið út á golfvöll, það var rosalegur hiti í dag og mjög mikill raki.  Það mátti ekki spila á vellinum í dag þannig að ég sló og æfði púttin mjög vel og æfði strokuna á grínunum.  Þegar ég kom á hótelið þá datt ég inn í myndina Never been kissed og er hún bara alveg ágæt afþreying.  Núna ætla ég að fá mér smá meira sushi og henda mér í háttinn því það er wake up kl 04:00 í nótt því að rútan fer klukkan 04:45 ég er í fyrsta holli. 

 Læt heyra hvernig hringurinn gekk á morgun. 

Biggi

 

Frábært sushi

Verð að nefna það að hér í Indonesiu er besta sushi sem ég hef á ævinni smakkað. 

Æfingardagurinn í dag var mjög fínn, ég spilaði 18 holur, æfði stuttaspilið og púttin. Völlurinn er mjög fínn, mikið af vötnum, lítil grín og mjög mikilvægt að vera á braut.  Það er bermúdagras á grínunum þannig að það er svolítið erfitt að lesa þau en ég vinn bara í því á morgun að kynnast þeim aðeins betur.  Það var mjög fínn hiti í dag að vísu svolítið rakt og þegar sólin lét sjá sig þá hitnaði mikið en alls ekki neitt óbærilegt.  Ég er búinn að fá rástíma á fimmtudaginn og verð í fyrsta holli klukkan 06:30 þannig að ég þarf að vakna mjög snemma því að það tekur klukkutíma að keyra á völlinn frá hótelinu. Eftir æfinguna í dag fór ég í nudd, slakaði vel á, fékk mér að borða og núna er kominn háttatími á kallinn. 

Biggi