Kapphlaup, tafir - 30 tíma ferðalag til Hainan Island

Jæja jæja þá erum við komin til Hainan Island eftir tæplega 30 tíma ferðalag.  

Ferðin byrjaði nú ekki allt of vel því þegar við komum á flugvöllinn í Frankfurt svona frekar sein ;) þá var allt stopp í terminalinu okkar vegna öryggisráðstafana.

Það var pakki á gólfinu við hliðina á ruslafötu sem var verið að athuga með og eftir fullt af aðgerðum á pakkanum var opnað aftur og þá tók við kapphlaup hjá öllum að komast að innritunarborðinu sem allra fyrst til að tékka inn.

Þetta gekk allt saman upp og við upp í vél og áður en við vissum að vorum við komin til Hong Kong, við náðum að dotta í fluginu þannig 11 tímarnir voru alls ekki svo lengi að líða.  

Við vorum í Hong Kong í 6 tíma og tókum svo flug til Hakuau og loks til Hainan Island :).  Hótelið og umhverfið er rosalega flott og hlakkar okkur til að vakna á morgun og kíkja á aðstæður á vellinum.

Þegar við komum út úr vélinni tók á móti okkur mikill raki og hiti en hitastigið hér er ca 30 gráður og er spáð upp í 33 stiga hita á vikunni plús miklum raka :)..  

Við ætlum svo að fara í bæinn á morgun að kaupa myndavél því okkar datt í gólfið á Tene og er ónothæf ;) við setjum svo inn myndir af herlegheitunum :)

Kveðja Biggi

Athugasemdir

[Inga (IP-tala skráð) 13.3.2007 kl. 01:16]

Gangi ykkur vel í baráttunni í Kína, þetta verður bara stórkostlegt ævintýr. Njótiði í botn, við hér heima skulum svo bara sjá um að skála í botn........á sunnudaginn.

Baráttukveðja, Inga og Dolli

[Dagný (IP-tala skráð) 13.3.2007 kl. 08:18]

Njótið þess að vera á þessari eyju, örugglega alveg einstakt. Þið verðið að redda myndavél algjört möst. Og enn og aftur býð ég mig fram sem sértækur ljósmyndari í ferðir með ykkur ;) he he. Hafið það sem allra best og gangi ykkur vel. Biggi þú massar þetta !!!!

Kv.Dagný

[Jóhann Gunnar Stefánsson, 13.3.2007 kl. 09:42]

 Það verður gaman að fylgjast með. Hér eru allir í startholunum og bíða spenntir. Hafið það sem allra best í Kína.