Sólbrunninn og flottur

Jæja þá er 3. dagurinn búinn og endaði kallinn á parinu og er ég langt frá því að vera sáttur við daginn.  Í dag var frekar hvasst og varð völlurinn aðeins öðruvísi en hina tvo dagana. 

Ég byrjaði mjög vel, fugl á fyrstu holunni og rétt missti fuglinn á annari, á þeirri þriðju kom svo klaufalegur skolli 3 pútt úr

Fjórðu holu missti ég svo stuttan fugl þannig að það var stutt í frábæra byrjun eins og ég stefndi að en í staðinn datt ég svolítið í sama farið og í gær, að basla á grínunum sem leiddi í það að ég reyndi að komast nær holunni en gekk ekki alveg. 

Í heildina litið þá er ég samt sáttur við spilamennskuna vantar aðeins upp á að komast í stuð og klára færin. 

En það kemur með þolinmæðinni. 

Það sem ég græddi á hringnum var að ég fékk þennan fína rauða lit á hendur og háls, gleymdi að bera á mig sólarvörn í morgun var aðeins utan við mig þegar ég vaknaði. 

Rauk bara niður í morgunmat og beint upp á golfvöll.  Þannig að ég er með þessa flottu bóndabrúnku núna en ég kaupi mér bara brúnkukrem á restina, þá verð ég orðinn flottur, hihi.

Jæja þá er best að skella sér í háttinn og spýta svo í lófana á morgun.  

Bið að heilsa,

Biggi 

Athugasemdir

[Inga (IP-tala skráð) 17.3.2007 kl. 15:39]

Gangi þér vel i fyrramálið Biggi minn, ekki slæmt að mæta sólbrúnn og sætur á völlinn. Hef fulla trú á að þú eigir góðan lokadag.

kveðja, Inga

[Kristján Pétursson, 17.3.2007 kl. 17:29]

Nú sendi ég þér sterka stauma,sem leiðir boltann um loftin blá og stýrir honum  beint í holu.Hugarorka og einbeitni í hverju skoti og Biggi kominn í fremstu röð.

Kær kveðja

[Jóhann Björn (IP-tala skráð) 17.3.2007 kl. 23:38]

gangi þér vel þetta er allt á réttri leið og mundu eftir öllum stuðningnum að heiman kveðja úr keflavík Jói b